Ko te whakaauaha tuihono tētahi kaupapa o 2020 mō ngā kaimātauranga me ngā kaiwaiata, ā, ko Hollie Smith he kaiwaiata nō Aotearoa tētahi e mahi ana i aua kaupapa e rua, e whakakotahi ana i te ako tuihono ki ngā ākonga waiata i Wintec me ngā roma wā tūturu ki te ao.
Hei Kaiwaiata Nohomai i te Kura Toi Pāpāho o Wintec, he kaiwhakaaweawe a Hollie Smith, ā, he nui ngā taonga hei tuari ki ngā ākonga i āna akoranga wā-kai Tāite mā Zoom e tuwhera ki ngā ākonga pūoro katoa o Wintec.
“Ahakoa ngā wero o te whakaako tuihono i roto i tēnei wā, he tikanga pai tēnei kia tūhono, kia whai arotahinga tonu. Hei whakamahara tēnei i a tātou e kore te pūoro e moe, me tōna mana hei āwhina i a tātou,” te kī a Smith.
‘Hei whakamahara hoki te whakaako i au, he pūkenga ōku, ā, me te aha, kia hīkoitia te kōrero! Kua akona e au ētahi mea hou hei tuari māku ki ngā ākonga, hei tauira, kia mārama ake au ki ngā pūhara matihiko rerekē me ngā rautaki whakamahi.
Hei whai atu i tana Vodafone Lounge Jams performance hei tautoko i MusicHelpsLive , (ko tāna hoki he tautoko i ngā kaiwaiata Kiwi kua pāngia e te urutā COVID-19). I kōrero a Hollie Smith mō te wheako whakaari roma wā-tūturu, ā, ka hoatu ētahi paku āwhina mō te waiata ki mua i te minenga kāore e kitea ana.
Ko ētahi atu kaupapa i matapakihia ko te turaki ārai kaituhi, ko te whakatoatoa, me te kipakipa i a koe ina mahi ana koe i runga kaupapa pūoro.
Ka mahi tonu ia i ngā akoranga wā-kai Tāite mō tēnei wāhanga tau, ā, ko te aronga o aua akoranga ko ngā hiahia o ngā ākonga i puta ake i te whārangi whakaako a Hollie.
E kī ana a David Sidwell te upoko o te Tari Pūoro i Wintec, ahakoa ngā wero nui i puta i te huri ki te ako tuihono i te wā o COVID-19 he painga anō i kitea.
Ko te pūoru wā-tūturu tētahi mea ka whakanuia e tātou, heoi ka ora tonu i runga ipurangi. Nā te tō mai i ō tātou hoa ahumahi pērā i a Hollie ki te akomanga tuihono i te wā o COVID-19, i waihangatia tētahi wheako rerekē, ā, nāwai ka taunga haere mātou ki te ako tuihono. Āe, he uaua tonu, engari kua taunga kē mātou ki te tuku akoranga tuihono, me te aha, kua kaha ake te maioha ki te whakaari wā-tūturu me te ako.
E ai ki a Megan Rogerson-Berry te kaiako pūoro i Wintec: “He rawe ēnei akoranga mō ngā ākonga kia huitahi, kia rongo tonu i te wairua o te hapori. Nō rātou te whiwhi mai i tētahi kaiwaiata ngaio nō roto i te ahumahi i roto i tētahi wānanga ōpaki, ngāwari hoki.”