Kua kopoua te Poari Kaiwhakahaere Āpitihanga o WITT

News

Kua kopoua te Poari Kaiwhakahaere Āpitihanga o WITT

Poutūterangi 17, 2020 | 9 min read

E kopoua ana e te Poari Mātāmua o New Zealand Institute of Skills and Technology Establishment Board (te Poari Mātāmua) ngā kaiwhakahaere mō ngā poari o ngā Pūtahi Āpitihanga, Kuratini hoki (ITP), ā, nō te 1 Paengawhāwhā 2020 i mana ai.

Kua whakaae mai ngā tāngata e whai ake nei kia noho hei kaiwhakahere mō te poari o Western Institute of Technology i Taranaki (WITT) mai i 1 Paengawhāwhā 2020:

Robin Brockie – Heamana

Beverly Gibson (Ngāruahine, Te Āti Awa, Te Arawa) – Heamana Tuarua

Cassandra Crowley

Daniel Fleming

Charlotte Littlewood

Colleen Tuuta (Taranaki Ngāti Mahuta, Ngāti Mutunga, Ngāti Maniapoto)

“Ko te kopounga o tēnei o ngā Poari Kaiwhakahaere tētahi o ngā mahi nui hei wāihanga i tētahi pūnaha ahumahinga piritahi, mauroa hoki,” ki tā Barry Jordan, te Heamana o te Poari Mātāmua.

“Ko te korounga ia mā ēnei kopounga e taurite ai te taha whakahaere me te taha ki ngā hononga taketake ā-rohe, ā hapori hoki.  E manawareka ana mātou i te momo o te tangata me ngā tirohanga rerekē kei ia poari, otirā ngā pūkenga me ngā tautōhito hei whakatinana i ngā hua pai mō ōna hapori, mō ōna hapori.”

Ko te hiahia o te Education (Vocational Education and Training Reform) Amendment Act ko te iti rawa kia tokowhā, engari kia kaua e nui atu i te tokowaru ngā kaiwhakahaere mō te poari tuatahi o ia āpitihanga ITP, ā, ko tētahi haurua o aua kaiwhakahaere me mātua noho ki roto i te rohe e ratoa ana e taua āpitihanga. 

E kī ana te Heamana o te Poari WITT, “Mai i te tirohanga o Taranaki, e tino ngākaunui ana mātou ki te ahunga o tēnei whakahoutanga me tōna pānga mai kī tō mātou rohe, ā mātou ākonga, pakihi hoki.

Arā kē ngā panoni nui kua whāia e WITT i ngā tau tata nei, ā, kua whai hononga pai te Kaunihera i ēnei āhuatanga. E harikoa ana ahau ka mau tonu ngā painga o te kaitiakitanga i te āhua o ngā pānga mai o RoVE ki Taranaki.

Hei ārahi haere i te nekehanga atu i te wairua o te whakataetae ki te āhua o te kōtuituinga tuku ratonga ki tēnā, ki tēnā rohe, kua whakataungia e te Poari Whakapūmau kia noho tētahi mema o Kaunihera NZIST hei kaiwhakahaere ki ia poari āpitihanga ITP.  Tērā e whiwhi ia poari tētahi tangata hei ‘kopounga poari rua’. Ka whakataungia ēnei ingoa i te marama o Paengawhāwhā.  

Mō te kopou kaiwhakahaere i whai te Poari Whakapūmau i tā te Treasury anga kopounga kaiwhakahaere ki ngā poari o ngā kamupene Karauna. Neke atu i te 370 ngā tono i tae mai i waenga i te wā o te Kirihimete me te huringa o te Tau Hou.

Katoa ngā kopounga ki ngā poari āpitihanga i whakamanahia e te kaunihera NZIST i te 1 Paengawhāwhā 2020. Ka whakamanahia ngā mema o tēnei Kaunihera e te Minita Mātauranga, Hon Chris Hipkins, i mua i te mutunga o Poutūterangi.

Robin Brockie – Heamana

BCA, FCAANZ, MInstD, QSM

He maha ngā tūranga kaitiakitanga a Robin i tēnei wā:

  • Heamana Kaunihera o te Western Institute of Technology Taranaki;
  • Kaiwhakahaere o Tui Ora Limited me te Heamana o te Komiti Finance and Audit;
  • Taratī o TSB Community Trust;
  • Kaiwhakahaere o TSB Group Limited;
  • Kaiwhakahaere o New Zealand Institute of Highway Technology;
  • He mema o te Standing Committee of the Anglican Diocese of Waikato me Taranaki, Heamana o te Komiti Tiaki Pūtea;
  • Taratī o te Dame Malvina Major Foundation; Heamana, he mema Komiti o te Dame Malvina Major Foundation – Taranaki.

Ko ana tūranga kaitiakitanga o mua he Taratī, Heamana hoki o Venture Taranaki Trust, Kaiwhakahaere Matua, Kaiwhakahaere hoki o Baker Tilly Staples Rodway Taranaki Limited.

Beverly Gibson – Heamana Tuarua

He nēhi whai rēhita a Bev (Ngāruahine, Te Āti Awa, Te Arawa), he whānui hoki āna mahi i roto i ngā kaupapa pakihi arumoni me ngā hinonga pāpori, taiao hoki. I tēnei wā, kei te kawe ia i ngā tūranga kaitiaki ki te Komiti Whakahaere o Parininihi Ki Waitotara, Heamana o te Komiti Pūmanawa Tangata o PKW, Heamana o Mahia Mai A Whai Tara Trust, Heamana o Te Korowai O Ngāruahine Trust, he Tarahitī Motuhake hoki o Lantern House Trust.

Kua whai a Bev i te Tohu Paerua Mahi, Tohu Paetahi Ngā Toi, ā, he mema hoki ia o IOD me te Tōpūtanga Tāpuhi Kaitiaki o Aotearoa.

Cassandra Crowley

Nō Taranaki mai anō a Cassandra, ā, he kaiwhakahaere tautōhito nā ōna tau e hia nei te roa i roto i te mahi ture, mahi kaute hoki, me te aha, he Perehitini o mua a ia o Ngā Kaikaute Whai Mana o Ahitereiria me Aotearoa.

I tēnei wā ko ana kawenga poari ki te Heamana o Poari Hauora o Taranaki Rohe, he Kaiwhakahaere o New Zealand Transport Agency, ā, ko ia hoki te heamana o te Komiti-Whāiti Risk and Assurance. Kua noho ia kei Mema Kaunihera o WITT mai i 2014, ā, he Kaiwhakahaere anō ia o te whakahaere whakangungu ahumahi   o Skills Organisation mai i 2013, nā reira kua tino matatau ia ki ngā āhuatanga o te rāngai whakangungu ahumahinga.

Daniel Fleming

Ko Daniel te Kaiwhakahaere Matua te rangatira-takirua hoki o te hōtēra wahi rawa King & Queen Hotel Suites, ki Ngāmotu. I tēnei wā ko ia te Heamana o Taranaki Chamber of Commerce, te Heamana hoki o te West End Precinct.

Kua noho a Daniel ki te Kaunihera WITT mai i 2017. Nō Taranaki anō ia, ā, me kī, ko tō mātou rohe, ko tōna ngākau. E ngākaunui ana ia ki te mea kia whai wāhi ngā ākonga katoa ki te whānuitanga o te mātauranga tino kounga.

Charlotte Littlewood

Kua noho a Charlotte hei mema o te Kaunihera WITT mai i 2017, ā, he Kaikaunihera hoki ia mō te Kaunihera ā-Rohe o Taranaki, he kaiwhakahaere anō hoki mō Port Taranaki. Kua mahi ia i ngā momo tūranga whakahaere kaupapa, mahi rautaki, rangahau hoki i Powerco, te Manatū Whakahiato Ora me te Department for Work and Pensions i Ingarangi.

Kua kawe hoki ia ētahi tūranga kaitiaki i roto i te hapori, arā, ko ia te te kaiwhakaara takirua o Taranaki Young Professionals, ā, he Perhitini Tuarua hoki o Durham Student Union. Kua whai tohu paerua i te Finance, BA(Hons) i te Mahi Ohaoha me te Tōrangapū, he mema whai mana ia o te Institute of Directors (IOD).

Colleen Tuuta

Ko Taranaki te Maunga

Ko Taranaki, Ngāti Mutunga, Ngāti Mahuta me Ngāti Maniapoto ōku iwi.

Ko Parihaka, Urenui, Te Koroha me Te Kauwau ōku marae.

Ko Colleen Tuuta ahau, tēnā koutou, tēnā koutou, tēnā tātou katoa.

I tēnei wā he Taratī a Colleen o Te Rūnanga o Ngāti Mutunga – te rōpū kaitiaki whakataunga tiriti. He mokopuna hoki ia nā Tohu Kākahi me Te Whiti o Rongomai o Parihaka, kua whakatōngia ki te ngākau o Colleen te wairua o te rongomau me te tika ā-ao, ā, he ngira tuitui ia, he toki ki ngā whakaaro ōhanga e kawea ana i āna kaupapa pāpori.

I tēnei wā he mema ia o Te Huinga Taumata, te komiti Kaiārahi Iwi o Taranaki e mahi tahi ana me Kaunihera ā-Rohe o Ngāmotu ki te whakawhiti kōrero mō ngā kaupapa whanaketanga ā-rautaki i roto i te rohe.

Ko Colleen anō te Kaiwhakaara me te CEO o Albatross Enterprises Limited, te wahine Māori tuatahi hoki i noho hei Heamana o TSB Community Trust. He mema hoki ia o Te Mana Whakahaere, te rōpū kaitiaki o Te Wānanga o Aotearoa mō ngā tau e rima i te wā whakawhiti me TEC.