He whakahoatanga hou hei whakarite pūkenga pūngao mō ao o āpōpō

News

He whakahoatanga hou hei whakarite pūkenga pūngao mō ao o āpōpō

Hōngongoi 26, 2021 | 3 min read

Kua whakarewatia tētahi whakahoatanga pūkenga i Taranaki hei whakapiki i te maha o ngā tāngata whai pūkenga o te ohumahi pūngao hei tautoko i te iti haere o ngā tukunga.

Kua waitohu a Te Pūkenga me  Energy Skills Aotearoa (he wāhanga o Energy Resoures Aotearoa) i tētahi Kawa Whanaungatanga (MOU) ka mahitahi ai i runga i tēnei wero nui.

“I a Aotearoa e ahu atu nei ki te ōhanga tukunga iti, ka takoto te mānuka ki te ahumahi pūngao kia tutuki i ngā hiahia ki ngā pūkenga anamata o ngā ahumahi e ara ake nei,” te kī a Sheree Long, Kaiwhakahaere Pūkenga Rawa Pūngao Aotearoa.

Me mātua tautoko, pupuri, whakangungu anō mātou i tā mātou ohumahi tino pūkenga, ā, he wāhi nui tāna ki tēnei whakawhitinga. Me tīmati ināia tonu nei ngā mahi whakamahere.”

Ko te mahi tuatahi ko te whakarite mahere mahi pūkenga ahumahi mā te rāngai pūngao whānui, arā, ngā kamupene whakahou, kamupene whakahou-kore hoki. Mā Te Pūkenga tēnei mahi e ārahi e tautoko hoki.

Ki tā Te Pūkenga Kaiwhakahaere Mātāmua Tā te Kaitukumahi Haerenga, Wheako hoki, a Warwick Quinn, nā te whakatūhanga o Te Pūkenga kua takoto ētahi tino huarahi whakamahere pūkenga me ngā ahumahi, whakawhanake mātanga e rite ana ki ngā whāinga āhuarangi hurihuri.

“Ko tēnei mahi a mātou he mahi whakapiki wā roa. Kei te hiahia mātou kia maha ake ngā ākonga me ngā kaitukumahi e whai wāhi ana, ka kitea tēnei āhuatanga i te wā ka tahuri ngā ahumahi pērā i te rāngai pūngao, ki te whakapiki i ngā pūkenga a te ohumahi, ki te tautoko hoki i ō rātou tāngata ki whakamahi i ō rātou pūkenga ki ngā hangarau hou, mātātaki hou hoki.

“Mā Te Pūkenga e taea ai he tirohanga whānui, te tirotiro i te whānuitanga o ngā kōwhiringa ako e tutuki ai ngā hiahia o ngā ākonga me ngā kaitukumahi kia noho ai te ako hei wheako pai, pūmau hoki,” tana kī.

E wātea ana tētahi kape o te Kawa Whanaungatanga i konei.