Ākuanei ka tuaringa te hoahoa ariā o te Tauira Whakahaere

News

Ākuanei ka tuaringa te hoahoa ariā o te Tauira Whakahaere

Haratua 7, 2021 | 3 min read

I runga te ngākaunui kia whakaanga mātou ki te rāngai ka tukua he kōrero hou mō te whanaketanga o te tauira whakahaere, kia whai wāhi koutou ki te whakahua i ō koutou whakaaro i ngā huihuinga waenganui-tau.

Ka wahi atu ngā huihuinga waenganui-tau i ngā mahi e pā ana ki te whanaketanga o te tauira whakahaere mō āpōpō. Mai i te marama o Pepuere, kua kaunuku haere ngā mahi me te mahitahi me EY me EY Tahi. Mai i Pepuere kua hui te rōpū hoahoa-ngātahi e whā ngā taima, ā, hei te mutunga o te Mei te hui whakamutunga, me te aha he mahi tino whaihua tonu!
Ko ngā wero hoahoa me ngā ariā ratonga i whakatakotongia i runga i te tukanga hoahoa, kua whakakitea ki te marea e rua ngā wā i ēnei marama tata nei.

Inā te rautangata mai i te rāngai, arā, ngā ākonga, kaitukumahi me te hunga e kaingākau ana, kua tuku whakaaro mai mā te pūhara tuihonno, ngā hui awheawhe, ngā uiui me ngā puka matapaki. He mea whai koha mai ēnei kōrero katoa ki te hoahoa ariā ka whakaaturia ā te marama o Hune.

Ka tuku mihi a Heather Geddes, Kaiwhakahaere Kairīwhi Whakaumutanga me te Whakawhitinga ki ngā tāngata katoa nā rātou i whai koha mai ki ngā mahi hei whakawhanake i te tauira whakahaere.

“Arā anō te momo o te tangata nāna i tuari whakaaro, wheako hoki me te tīma i ngā wā whakawhiti kōrero, whakaaro hoki. He mea āwhina anō hoki ngā kōrero me ngā wheako a ngā kaitukumahi me ngā ākonga, inā hoki ko rātou te pūtake o te kaupapa nei.”
Inā kē te tokomaha o ngā tāngata huri nnoa i Aotearoa nāna i whai koha mai. Nā konā i mātua arotahi ai mātou kia kawe ake i ngā momo whakaaro e wero tonu nei i ngā hanga kua tū kē, e urupare hoki ki ngā putanga ranngahau mō te korenga i tutuki ai ngā hiahia o ngā ākonga me ngā kaitukumahi.”

Hei whakapiki atu anō te whanaketanga o te tauira whakahaere i te rangahau me ngā wānanga o tērā tau, me whai koha mai a ngā aramahi o Te Whakaoreore i te Ao Hou me tērā o Ko te Ākonga te Pūtake.”

E wātea mai ana te wātaka kaupapa mō te Tauira Whakahaere i konei.