Te takatū ki te anamata o NZIST

News

Te takatū ki te anamata o NZIST

Mahuru 10, 2020 | 2 min read

Nō te hiku o te marama o Ākuhata ka hui te Kaunihera NZIST ki te kura o Ara, he wānanga rautaki te take.

I whai wāhi te Kaunihera ki te whakapiki i ngā mahi i tīmatangia e te Poari Mātāmua me te aro atu ki tua ki te āpōpō.

Nā te tātaringa SWOT wawe i whakapūmau ai ko te nui, te rahi me te whānuitanga o te kōtuinga te kahanga nui rawa o NZIST, ā, ko te matatini o tōna taiao whakahaere tōna ngoikoretanga. Ko te tuma nui rawa ko tā te kōtuinga tūāhua pūtea, me ngā raru kua pā mai i COVID-19. Heoi, inā kē te tini o ngā huarahi wātea.

Ko ngā take i matapakihia e te Kaunihera:

  • Tā NZIST whakamahi i tōna rahi hei pana haere i te panonitanga
  • Kia kounga rawa te NZIST i ngā wā me ngā wāhi katoa
  • Kia kakama, kia māmā ngā whakahaerenga a NZIST
  • Te whakatutuki a NZIST i te whiwhi ōrite me te whai wāhitanga ki ngā huarahi ako
  • Kia tukua e NZIST he akoranga whakaumu e taea ai ngā otinga ākonga
  • Kia tūhonotia e NZIST ngā ākonga ki te mahi

Ko ngā whāinga o āianei tonu mō te Kaunihera ko te whakangāwari i te taha pūtea o te kōtuinga, me te kōkiri ake i ngā mahi e tutuki ai te whiwhi ōrite.

Hui ai te Kaunihera NZIST i ia marama. E tuwhera ana ngā hui Kaunihera ki te iwi whānui. Haere ki tā mātou paetukutuku mō ngā rā hui o te Kaunihera, me ngā rārangi take, ngā pepa me ngā meneti o ngā hui o mua.