Ka mahitahi Te Pūkenga me Energy Academy hei whakatere ake i te āheinga o te rāngai pūngao

News

Ka mahitahi Te Pūkenga me Energy Academy hei whakatere ake i te āheinga o te rāngai pūngao

Haratua 25, 2021 | 3 min read

Kua waitohua e Te Pūkenga me Energy Academy tētahi whakaaetanga hei arataki i tētahi tauira whakangungu e tautohu anō i te kawenga o te ahumahi me te mātauranga i roto i te whakangungu me te whanaketanga mō ngā rā ki tua.

runga i te ngākaunui o Orion Group ‘kia mā tonu, kia mārama ake te āpōpō’ e whai ana te Energy Academy ki te whakaumu i te tukanga whakawhanake āheinga e tino urutau ai a Aotearoa ki ngā pūkenga me ngā āheinga ka hiahiatia mō ngā rā ki tua.

Kai whāiti mai ko ngā tikanga e mahitahi ai te ahumahi me te mātauranga matua ki te tuku whakaakoranga.

Ko Te Pūkenga he Hinonga Karauna i whakatūngia ai i Āperira 2020 i runga tā te Amorangi Mātauranga Matua Whakahouanga i te Mātauranga Ahumahinga. Hei te 1 o Hanuere 2023 ka noho haepapa ana Te Pūkenga ki te tuku i tētahi kōtuinga tūmatanui kotahi mauroa, kōtuinga mātauranga ahumahinga e taea ana i ngā rohe puta noa i Aotearoa, me ngā mahi a ngā Kuratini me ngā Pūtahi Hangarau o mua (kua kīia he ITP i āianei) me te whakarite i ngā mahi whakangungu a ngā Whakahaere Whakangungu Ahumahi

Ka whakawhitia ā rātou whakahaerenga mahi whakangungu ki Te Pūkenga.

Mā Te Pūkenga ko te kawea o te tautoko i te ako wāhi-mahi mai i ngā Whakahaere Whakangungu Ahumahi ki ngā kaituku akoranga, ā, ko te mutunga iho ko te whakakotahitanga o ngā taha e rua e mātua tutuki ai ngā hiahia o ngā ahumahi.

“Ko tētahi whāinga mātauranga tōmua a Te Pūkenga he tuku huarahi ako e rite ana, e tutuki ai ngā matea o te ākonga me te tauira ahakoa kei hea.

“Mā te tauira e whakamātuaria ana me Energy Academy e whiwhi ai ngā ākonga i te wheako kounga mā reira e waihanga ai  ngā āheinga anamata e tika ana mō Aotearoa,” te kī a Mr Strong.

Hei tā Deanna Anderson, Kaiārahi Energy Academy, he mea tino whaitake te tauira ako hou e urutau ai ngā āheinga e tika ana mō tā Aotearoa pūngao anamata.

“E kaumātua haere ana te ohumahi o te ahumahi pūngao, ā, ki te kore e kitea he tikanga e tukua ai ngā mātauranga me ngā āheinga ka raru anō i runga i te ngaronga pūkenga.

“Mā tēnei tauira e tukua ai te mātauranga, e whakatere ake ai hoki i te āheinga, kia urutau ki te tere o te panoni i tā mātou rāngai kia tika anō hoki te whakarato i ngā tāngata o Aotearoa.”