Ngā hoa o Te Pūkenga e koki whakamua ai ki te āpōpō

News

Ngā hoa o Te Pūkenga e koki whakamua ai ki te āpōpō

Whiringa-ā-rangi 29, 2020 | 7 min read

E harihoa ana mātou ki te pānui i te kopounga o Ernst & Young (EY) me EY Tahi (Tahi) ki te mahi tahi me mātou. Ko EY he umanga ratonga ngaio me tōna kaupapa “Te hanga i te ao mahi pai ake”. Ko Tahi tētahi umanga Māori o roto i EY, ko tōna aronga ko te whakatere ake i te angitu Māori.

I te marama o Hūrae, ka hua ake i a mātou te tono kaupapa mai e kitea ai tētahi hoa umanga hei whakarite i te tukanga hoahoa-tahi i te tauira whakahaere a Te Pūkenga.

Koinei te tauira ka whakamahia e mātou hei whakaumu i tā te kōtuinga huarahi o tēnei wā mō te mātauranga ahumahinga e puta ai he otinga pai ake mō ngā ākonga, ngā kaitukumahi, ngā whānau me ngā hapori.

Me kī he kōtuku rerenga tahi te rite o tēnei huarahi hei hoahoa i te pūnaha mārama, he māmā hoki ki te whai, e rata ana ki ngā hiahia o ngā ākonga me ngā kaitukumahi, e tuku ana kia ōrite te whai wāhi, kia ōrite hoki ngā hua mō ngā ākonga katoa me te aha, he ngāwari tonu kia panoni i roto i te huringa o te wā – kia hāpai i a Aotearoa kia tipu ora ā ngā rā ki tua.

I ngā marama ruarua kua hipa, kua kawea e tā mātou tīma whakahaere tētahi tukanga pakari ka oti mai te rārangi poto, hei whakatau ko wai te hoa umanga. Nā te nunui me te āhua o te panonitanga kei te whāia, inā kē ngā mātātaki o ngā whiriwhiringa, me te roa hoki o ngā whakawhitwhiti kōrero e oti ai te whakatau.

E harikoa ana mātou ki te pānui kua kopoua e mātou ko Ernst & Young (EY)  me EY Tahi (Tahi) .

Ina te pai o ngā mahi kua oti i a EY me Tahi ki te whakarite huarahi mahitahi ki te hoahoa i ngā kaupapa whakaumu matatini, nūnui, whakaumu tika me te aronga kaha ki Te Tiriti me te whakatuuki i ngā otinga ōrite mō te Māori, ka mutu e harikoa ana mātou i tō rātou ekenga mai ki tēnei waka.

“Nō mātou te hōnore kia mahitahi me Te Pūkenga me ō rātou hoa anō ki te hoahoa-tahi i tā rātou e whaikoha ai ki te pūnaha mātauranga ahumahinga me te tautoko i ngā hua pai ake mō ngā ākonga, ina koa ngā tauira Māori. Nei te mihi ki Te Pūkenga mō ōna whakaaro mahitahi me tā mātou whakapono koira te pūtake e angitu ai te kaupapa me te whakahaere, e ai ki te whakataukī, “Nā tō rourou, nā taku rourou, ka ora ai te iwi,” te kī a Selwyn Hayes, Hoa Wahakahere EY Tahi.

Mā te whakapiki atu i ngā whakawhiti kōrero o mua me ngā ara mahi o te Whakaorerore i te Ao Hou, ka kawea ngā mahi tuatahi o te wāhanga whakawhanake i ngā marama e waru kei te tū mai, tae atu ki ngā whakawhiti kōrero whānui me te tukanga hoahoa-tahi kaiwhaipānga hei te haurua tuatahi o 2021.

Ko te tukanga ka whakamahia e mātou ki te hoahoa-tahi i te tauira whakahaere te tino pūtake o tōna angitu. He huarahi hoahoa ngātahi tēnei, e whai wāhi mai ngā whakahoki kōrero whānui, hōhonu hoki me ngā whakaaro mai i ngā kaimahi 10,000 o te kōtuinga, arā, te tino me te mano o ngā ākonga me ngā tāuira, ngā kaitukumahi, ngā iwi, hapū, whānau me te hunga tautoko i ngā ākonga, hei taonga whakaaro anō e hoahoa ai ngā āhuahanga katoa o te tauira whakahaere – ngā tāngata, te tukanga, ngā taputapu me te hangarau.

Mā roto tonu i tēnei tukanga ka whānui tonu te whakaanga me te whai wāhi a te tīma kaiārahi o Te Pūkenga e mātua whakaatu ai te tauira i te Tūtohinga me ngā ritenga o te ture. Ka whakaū te tukanga hoahoa i tō Te Pūkenga ngākaunui ki Te Tiriti o Waitangi ā, ka hua ko tētahi hoahoa e tautoko ana i ngā otinga ōrite mō ngā ākonga katoa.

Ko te pōhewa anō i te mātauranga ahumahinga tētahi kaupapa mahitahi e whānui ai, e arotahi ai hoki te whakaanga ki te whānuitanga te hunga whaipānga kia mātua rongo ai mātou i ngā reo maha. Mā konei mātou e hoahoa, e whakarite, e mau ai he panoni whaitake, ukauka hoki.

“Mā te whakapiki atu i ngā akoranga nui kua kohia kētia me te maha atu anō kei te kohikohia i tēnei wā, mā te whanaketanga o tā mātou tauira whakahaere e waihanga i te anga hei whakatakoto i ā mātou mahere pūmau mō te āpōpō,” te kī a Te Pūkenga Kaiwhakahaere Mātāmua, Stephen Town.

“Koia tēnei tauira hei whakaatu i te tino whaitake o te hononga me ngāi Māori, hei whakarite i te ōritetanga me te whai wāhitanga, me te whakanoho i te ākonga ko ia te tino pūtake o ā mātou mahi,” te kī a Stephen.

“I a mātou e mahi ana mā te tukanga hoahoa-tahi ngaio, whānui hoki, ka rarangatia ā tātou mahi o mua, e rite ai mātou mō te āpōpō tipu ora.

“Ka tino rerekē te āhua o te āpōpō i ngā āhua o tēnei wā. Kei a tātou tēnei wā, tēnei huarahi kia pōhewa anō i te mātauranga ahumahinga me te whakangungu.

“E tohu mai e te angitu kua panoni i a mātou ngā oranga o tēnā, o tēnā, kua whaikoha hoki ki te Aotearoa whai hua.

“Mā te tautoko mai o EY me Tahi, me te kaha takitini o ngā whenu mana o tā mātou kōtuinga, mā tātou anō e hoahoa i te āpōpō e tipu ai, e puāwai ai tātou katoa,” te kī a Stephen.