Te Rā Tuatahi o NZIST

News

Te Rā Tuatahi o NZIST

April 1, 2020 | 3 min read

Tēnā koutou

I tū te hui tuatahi o te Kaunihera NZIST Council i 9.30 i tēnei ata ā, ka whakatauria ngā take e tika ana e puta ai te Pūtahi hou ki te ao hou.

Ao ake tēnei ata ka whakatōpūhia ngā Pūtahi me ngā Kuratini 16 hei kamupene āpitihanga, i raro katoa i te mana o NZIST, hei ngā rā e rua kei te tū mai ka huitahi ngā Poari Kaiwhakahaere hou ki te whakatau tikanga e rite ai tēnei whakawhitinga kaitiakitanga.

I tā mātou hui i tēnei ata i whakatakotoria e au ngā tino mātāpono hei ārahi i ā mātou mahi.

  • Ka waihanga mātou i tētahi pūtahi e whakatinana ana i te NZIST Charter  me te Reta Mai o te Minita me ōna Hiahiatanga.
  • Ka mau pūmau tonu kia ōrite te whiwhinga a ngāi Māori.
  • Ka mātua whai kia noho ko te ākonga te pūtake o ngā mahi me ngā whakatau katoa.
  • Ka mātua whakarite kia noho mārama tonu ki ngā hiahia o ngā pakihi me ngā kaitukumahi mā ngā hononga me ngā Kaunihera Whakawhanake Ohumahi me ngā Rōpū Ārahi Pūkenga ā-Rohe, kia mārama pū ai mātou ki ngā āhuatanga o te kōtuinga tuku akoranga ā-motu hei whakatutuki i ō rātou hiahia mā tetahi huarahi kōmitimiti puta noa i Aotearoa.

Nāku tonu i whakataukī ake he wāhi nui ō ngā kaimahi katoa i roto i te rāngai hei hāpai, hei whakaako hoki i ngā tauira, me te wāhi ki a mātou hei tautoko i a rātou i te roanga atu o tēnei tau.

Kei te mārama mātou ki te kaha pānga nui mai o COVID-19  ki te rāngai nei, ā, ka whai mātou kia āta haere, ā, kia ngāwari te mahi.

Nā runga i tēnei āhuatanga he mea nui te toro atu ki ngā āheinga me ngā mōhiotanga o ngā tāngata o tēnei rāngai kia kotahi ai te tū atu ki ngā wero, ki te waihanga hoki te anamata hou.

Huri noa i te motu, ko tōna 240,000 tāngata e whai wāhi ana ki tētahi momo whakangungu ahumahinga. Tāria te wā kia oti rawa te whakawhiti ki tētahi pūtahi ā-motu e kawe ana ngā mahi katoa, engari ko te tūāpapa he kaha tonu.

Tēnā anō tātou e hikoi tahi nei i tēnei huarahi hou.

Noho ora mai

Murray Strong
Heamana Kaunihera NZIST