Kua rangona ngā reo kaimahi i roto i te hīkoi o Te Pūkenga

Ko te whāinga matua kia āhei te Kaiwhakahaere Mātāmua, a Stephen Town me te kāhui hautū matua o Te Pūkenga kia whiwhi urupare hāngai tonu mō ngā  whakaaro kaimahi i a tātou e anga whakamua ana, me te mahi i ngā mahi mō āpōpō.

Ki tā Stephen, "Mā ngā kitenga o Aromātai Kaimahi ka mārama mātou i tēnei wā, ā ngā wā hoki e tū mai nei i roto i ngā tau e rua, ki ngā hiahia o ngā kaimahi i roto i te kōtuituinga peka, he pēhea hoki ō rātou whakaaro mō rātou anō, i a tātou e kawe whakamua nei i tō mātou whakaumutanga. Neke atu i te 8,000 ngā kaimahi i roto i tō mātou kōtuituinga peka, he rerekē ngā wheako o tēnā, o tēnā. He mea hira kia āhei rātou ki te whakawhitiwhiti i ō rātou whakaaro."

Kua tuku kirimana Te Pūkenga ki tētahi kamupene o Aotearoa, arā, ki AskYourTeam, hei whakahaere i te kaupapa o Aromātai Kaimahi. I haere te rangahau tuatahi mō tētahi rua wiki inakuanei, ā, 53% o ngā kaimahi mai i te kōtuituinga katoa i tuku urupare mai.

"Ka koa te ngākau he maha ngā momo kaimahi i tuku urupare mai i te kōtuituinga, e hora nei i ō rātou whakaaro mā roto i Aromātai Kaimahi. Nā ngā whakautu kua mārama mātou e hiahia ana te nuinga o te hunga whakautu ki ngā huringa i te rāngai, me tō rātou mārama ki ōna pūtake. He tino āhuatanga pai tēnei, he pai kua whakaūngia, i a mātou e titiro whakamuri nei ki ngā kōrerorero me ngā mahi puta noa i te motu, i 2020.

"Ko ngā wāhi i āhua iti iho te pai i pā ki te māramatanga o te tangata mō te pānga o ngā huringa pitomata ki a ia anō, me ngā āhuatanga ka pā pea hei ngā tau kei mua. He wāhi tēnei e mea nei mātou kia aronuitia, otirā kua whiria tō mātou hoa kōtui hoahoa tahi hei kawe whakamua i tō mātou tauira whakahaere, me te pikinga ake o ngā mahi whakaumu.

"Kei nga taumata tuatahi kau mātou o tēnei hīkoi roa, e mahi tahi nei Te Pūkenga me tō mātou kōtuituinga whānui i roto. "He mea hira kia mārama mātou ki ngā whakaaro o ngā kaimahi nā te mea mā ēnei kitenga ka puta he kahupapa pakari hei mahi, hei ako, hei hanga āhuatanga hou. mō mātou."

Kimihia ētahi atu kōrero mō Aromātai Kaimahi

Aromātai Kaimahi survey overview and questions

Aromātai Kaimahi – results from the twelve survey questions

Aromātai Kaimahi – supporting information for the survey results